രക്ത സമ്മർദ്ദം

കേരള PSC പരീക്ഷകളിൽ ജീവശാസ്ത്ര വിഭാഗത്തിൽ നിന്നും ഹൃദയം, രക്തസമ്മർദ്ദം എന്നിവയെക്കുറിച്ച് ചോദിക്കാറുള്ള പ്രധാന വസ്തുതകൾ താഴെ നൽകുന്നു.

1. രക്തസമ്മർദ്ദം (Blood Pressure)

• സിസ്റ്റോൾ (Systole): ഹൃദയ അറകളുടെ സങ്കോചാവസ്ഥ. ഈ സമയത്ത് ധമനികൾ വികസിക്കുന്നു.
• ഡയസ്റ്റോൾ (Diastole): ഹൃദയ അറകളുടെ വിശ്രമാവസ്ഥ. ഈ സമയത്ത് ധമനികൾ ചുരുങ്ങുന്നു.
• സിസ്റ്റോളിക് പ്രഷർ: ഹൃദയം സങ്കോചിക്കുമ്പോഴുണ്ടാകുന്ന ഉയർന്ന മർദ്ദം.
• ഡയസ്റ്റോളിക് പ്രഷർ: ഹൃദയം വിശ്രമിക്കുമ്പോഴുണ്ടാകുന്ന കുറഞ്ഞ മർദ്ദം.
• സാധാരണ രക്തസമ്മർദ്ദം: 120/80 mm Hg.
• 120/80 mm Hg എന്നതിനർത്ഥം: ഹൃദയസങ്കോച സമയത്ത് 120mm Hg മെർക്കുറിയും വിശ്രമിക്കുന്ന സമയത്ത് 80mmHg മെർക്കുറിയുമാണ് രക്തസമ്മർദ്ദം.
• രക്തസമ്മർദ്ദം അളക്കുന്ന ഉപകരണം: സ്ഫിഗ്മോമാനോമീറ്റർ (Sphygmomanometer).
• സൈലന്റ് കില്ലർ (Silent Killer): ഉയർന്ന രക്തസമ്മർദ്ദം (Hypertension).

2. ഹൃദയം മാറ്റിവയ്ക്കൽ - നാഴികക്കല്ലുകൾ

• ആദ്യമായി ഹൃദയം മാറ്റിവയ്ക്കൽ ശസ്ത്രക്രിയ നടത്തിയത്: ഡോ. ക്രിസ്റ്റ്യൻ ബർണാഡ് (1967 ഡിസംബർ 3, ദക്ഷിണാഫ്രിക്ക).
• ആദ്യമായി ഹൃദയം മാറ്റിവയ്ക്കപ്പെട്ട വ്യക്തി: ലൂയിസ് വാഷകാൻസ്കി (ശസ്ത്രക്രിയയ്ക്ക് ശേഷം 18 ദിവസം ജീവിച്ചു).
• രണ്ടാമത്തെ ശസ്ത്രക്രിയയ്ക്ക് വിധേയനായ വ്യക്തി: ഫിലിപ്പ് ബ്ലെയ്ബെർഗ് (19 മാസക്കാലം ജീവിച്ചു).
• ക്രിസ്റ്റ്യൻ ബർണാഡിന്റെ ആത്മകഥകൾ: വൺ ലൈഫ് (One Life - 1969), ദി സെക്കന്റ് ലൈഫ് (The Second Life - 1993).
• ഇന്ത്യയിലെ ആദ്യ ഹൃദയം മാറ്റിവയ്ക്കൽ ശസ്ത്രക്രിയ നടത്തിയത്: ഡോ. പി. വേണുഗോപാൽ (1994 ആഗസ്റ്റ് 3, AIIMS ഡൽഹി).
• മാറ്റിവയ്ക്കപ്പെട്ട അവയവത്തെ ശരീരം തിരസ്കരിക്കുന്നത് തടയാനുള്ള മരുന്ന്: സൈക്ലോസ്പോറിൻ (Cyclosporine).
• ശ്വസകോശവും ഹൃദയവും ഒരുമിച്ച് മാറ്റിവച്ച ആദ്യ ശസ്ത്രക്രിയ: ഡോ. ബ്രൂസ് റിറ്റ്‌സ് (1981 മാർച്ച് 9).

3. കൃത്രിമ ഹൃദയം (Artificial Heart)

• ആദ്യമായി കൃത്രിമ ഹൃദയം വച്ചുപിടിപ്പിച്ചത്: ഡോ. വില്യം ഡിവ്രീസ് (1982 ഡിസംബർ 2).
• കൃത്രിമ ഹൃദയം സ്വീകരിച്ച ആദ്യ വ്യക്തി: ബാർണി ക്ലാർക്ക് (61 വയസ്സുകാരൻ).
• ആദ്യ കൃത്രിമ ഹൃദയത്തിന്റെ പേര്: ജാർവിക് - 7 (Jarvik-7).
• കാർമാറ്റ് (CARMAT): രോഗിക്ക് 5 വർഷം വരെ ആയുസ്സ് നീട്ടിക്കിട്ടാൻ സഹായിക്കുന്ന കൃത്രിമ ഹൃദയം വികസിപ്പിച്ചെടുത്ത ഫ്രഞ്ച് ബയോമെഡിക്കൽ കമ്പനി.

കൂടുതൽ അറിവിലേക്ക് (PSC Booster)