മനുഷ്യശരീരത്തിലെ പ്രവർത്തനങ്ങളെ നിയന്ത്രിക്കുകയും ഏകോപിപ്പിക്കുകയും ചെയ്യുന്ന രാസസന്ദേശവാഹകരാണ് ഹോർമോണുകൾ. ഇവ ഉത്പാദിപ്പിക്കുന്നത് നാളികളില്ലാത്ത ഗ്രന്ഥികളായ അന്തഃസ്രാവീ ഗ്രന്ഥികളിലാണ് (Endocrine Glands). അതിനാൽ ഇവ നേരിട്ട് രക്തത്തിലേക്ക് കലരുന്നു.
1. പിറ്റ്യൂട്ടറി ഗ്രന്ഥി (Pituitary Gland)
- സ്ഥാനം: തലച്ചോറിലെ ഹൈപ്പോതലാമസിന് താഴെ.
- പ്രത്യേകത: 'ഗ്രന്ഥികളുടെ രാജാവ്' (Master Gland) എന്നറിയപ്പെടുന്നു.
- പ്രധാന ഹോർമോണുകൾ:
- സൊമാറ്റോട്രോപ്പിൻ (Grown Hormone): ശരീരവളർച്ചയെ നിയന്ത്രിക്കുന്നു. (കുറഞ്ഞാൽ: വാമനത്വം/Dwarfism, കൂടിയാൽ: ഭീമാകാരത്വം/Gigantism).
- ഓക്സിറ്റോസിൻ: പ്രസവസമയത്തെ പേശീസങ്കോചത്തിന് സഹായിക്കുന്നു (Love Hormone).
- വാസോപ്രസിൻ (ADH): വൃക്കകളിൽ ജലത്തിന്റെ പുനരാഗിരണത്തിന് സഹായിക്കുന്നു.
2. തൈറോയ്ഡ് ഗ്രന്ഥി (Thyroid Gland)
- സ്ഥാനം: തൊണ്ടയിൽ ശ്വാസനാളത്തിന് ഇരുവശവും.
- പ്രത്യേകത: മനുഷ്യശരീരത്തിലെ ഏറ്റവും വലിയ അന്തഃസ്രാവീ ഗ്രന്ഥി.
- ഹോർമോൺ: തൈറോക്സിൻ.
- പ്രധാന വിവരങ്ങൾ: തൈറോക്സിൻ നിർമ്മാണത്തിന് അയോഡിൻ അത്യാവശ്യമാണ്. അയോഡിന്റെ കുറവ് മൂലം ഗോയിറ്റർ രോഗം ഉണ്ടാകുന്നു.
3. അഡ്രിനൽ ഗ്രന്ഥി (Adrenal Gland)
- സ്ഥാനം: വൃക്കകൾക്ക് മുകളിൽ.
- പ്രത്യേകത: 'അടിയന്തര സാഹചര്യങ്ങളിലെ ഗ്രന്ഥി' (Emergency Gland) എന്നറിയപ്പെടുന്നു.
- ഹോർമോൺ: അഡ്രിനാലിൻ (Flight, Fight and Fright hormone).
4. പാൻക്രിയാസ് (Pancreas)
- പ്രത്യേകത: അന്തഃസ്രാവീ ഗ്രന്ഥിയായും ബഹിർസ്രാവീ ഗ്രന്ഥിയായും പ്രവർത്തിക്കുന്നു (Mixed Gland).
- ഐലറ്റ്സ് ഓഫ് ലാംഗർഹാൻസ്: പാൻക്രിയാസിലെ ഹോർമോൺ ഉത്പാദിപ്പിക്കുന്ന കോശങ്ങൾ.
- ഹോർമോണുകൾ:
- ഇൻസുലിൻ: രക്തത്തിലെ ഗ്ലൂക്കോസിന്റെ അളവ് കുറയ്ക്കുന്നു.
- ഗ്ലൂക്കഗോൺ: രക്തത്തിലെ ഗ്ലൂക്കോസിന്റെ അളവ് കൂട്ടുന്നു.
5. പീനിയൽ ഗ്രന്ഥി (Pineal Gland)
- സ്ഥാനം: തലച്ചോറിൽ.
- പ്രത്യേകത: 'ജൈവഘടികാരം' (Biological Clock) എന്നറിയപ്പെടുന്നു.
- ഹോർമോൺ: മെലാടോണിൻ (ഉറക്കത്തെ നിയന്ത്രിക്കുന്നു).
പ്രധാന ഹോർമോണുകളും പ്രവർത്തനങ്ങളും - ഒറ്റനോട്ടത്തിൽ
| ഹോർമോൺ | ഉത്ഭവം | ധർമ്മം |
|---|---|---|
| തൈമോസിൻ | തൈമസ് ഗ്രന്ഥി | രോഗപ്രതിരോധ ശേഷി നൽകുന്നു |
| ടെസ്റ്റോസ്റ്റിറോൺ | വൃഷണം | പുരുഷ ലൈംഗിക സ്വഭാവങ്ങൾ |
| ഈസ്ട്രജൻ | അണ്ഡാശയം | സ്ത്രീ ലൈംഗിക സ്വഭാവങ്ങൾ |
| പ്രൊജസ്റ്ററോൺ | അണ്ഡാശയം | ഗർഭകാല പരിപാലനം |
മുൻവർഷ PSC ചോദ്യങ്ങൾ (Previous Questions)
- ഏറ്റവും ചെറിയ അന്തഃസ്രാവീ ഗ്രന്ഥി ഏത്?
ഉത്തരം: പീനിയൽ ഗ്രന്ഥി - ശരീരത്തിലെ പഞ്ചസാരയുടെ അളവ് ക്രമീകരിക്കുന്ന ഹോർമോൺ?
ഉത്തരം: ഇൻസുലിൻ - യുവത്വ ഹോർമോൺ എന്നറിയപ്പെടുന്നത്?
ഉത്തരം: തൈമോസിൻ - അയോഡിൻ അടങ്ങിയ ഹോർമോൺ ഏത്?
ഉത്തരം: തൈറോക്സിൻ - മനുഷ്യ ശരീരത്തിലെ 'ജൈവഘടികാരം' ഏത്?
ഉത്തരം: പീനിയൽ ഗ്രന്ഥി - വൃക്കകൾക്ക് മുകളിൽ തൊപ്പി പോലെ കാണപ്പെടുന്ന ഗ്രന്ഥി?
ഉത്തരം: അഡ്രിനൽ ഗ്രന്ഥി
Comments